Argazki makinekin erretratu pilo bat egiten dugu: umeak, familia, lagunak eta abar.
Hona hemen arau batzuk erretratuak hobetzeko:
1.- Kontuz argiarekin: argi oso gogorra txarra da (ad. eguerdiko 1.etan); hobe da beti argi leuna.
2.- Gero eta hurbilago, gero eta hobeto: lehen planuarekin erretratua indartzen dugu.
Eta erretratuaren pertsona urduritzen bada kamara hurbiltzen dugunean? Ba, apurtzu bat atzerantz goaz; eta, bi aukera daukagu:
A.- Kamara reflex baldin badugu, erabili teleobjetiboa (80 mm-tik gora ondo dago) eta ireki apertura (f. 4 edo f. 5,6), pertsona fokuratzeko eta atzealdia zehaztugabe uzteko -kamara konpaktu batzuekin ere apertura alda daiteke-
B.- Beste aukera (kamara reflex edota kamara kompaktuarekin), atzerantz joan eta argazkian atera pertsona bere inguruan.
3.- Pertsonaren aurpegiak nortasun handia badauka, hobe da erretratu sinplea ateratzea.
4.- Umeen erretratuak naturalagoak geratzen dira jolasten dutenean.
No comments:
Post a Comment