Boto batek toki-hauteskundetarako hautagaia behar du

Maiatzaren 1ean toki-hauteskundeak dira. Azken urtetan desengainu batzuk sufritu ondoren, nire botoa eman aurretik, alderdiak ezezik, hautagaiak ere aztertzea erabaki dut

 

Nire botoak, bat bakarrik izan arren, kontratu baten antza dauka: bere bidez, hautagaiak lanpostua lortzen badu, hurrengo lau urtetan zerbitzua emango didalako.

 

Horregatik, eta informazio eskasa internetan lortu dudanez, IRAGARPEN bat argitaratzea erabaki dut:

 

  

LANPOSTUA IRAUPENA KOKAPENA	Alkatea/Zinegotzia 4 urte Gasteiz
BEHAR DA	Euskera Maila baxua daukatenek ez dira kontutan hartuko, lanpostuak exijitzen duelako komunikatzeko trebetasuna EAEko bi hizkuntz ofizialetan.
BALORATZEN DA	Hezkuntza. Positibo baloratuko da bere heziketa egokia izatea udalaren proiektuak aurrera eramateko
	Lanbide-esperientzia. Positibo baloratuko da bere alderdian ezezik, arlo publiko ala pribatuan ere lan egin duela, lanpostuak independentzia exijitzen duelako.
	Proiektua. “Alkate/Zinegotzia izan nahi dut” proiektu pertsonal zilegia izan arren, ez da onartuko. Udalerako proiektua aurkeztu behar du.
LUZAPENAREN AUKERA	Bai: lau urte pasa ondoren, hautagaiak nahi badu eta bere proiektuaren ebaluazioa baiezkoa bada.
HARREMANETAN JARTZEKO	Blog honen bidez